Bækur & sögur
Sögur og ljóð um náttúruna, samkenndina og tengingar við jörðina.
Sjálfbærni hefst
Framtíðin byggir á heilindum, umhyggju
Vinnum saman
Skoða bækur
1:1 markþjálfun
Einstaklingsmiðaðir markþjálfunartímar sem styðja við fólk í sjálfbærnigeiranum.
Sjálfbærnirýni fyrirtækja
Oft er þörf á sýn þriðja aðila á sjálfbærnivegferðina, stefnu, framsetningu og næstu skref.
Gaman að sjá þig!
Hæ, ég heiti Berglind.
Ég skrifa barna- og ljóðabækur og býð fólki sem starfar að sjálfbærni upp á markþjálfun. Í öllu mínu starfi er mér umhugað um að styrkja tengsl okkar við jörðina og skapa meira rými fyrir bæði hug og hjarta í þeirri vegferð að hlúa að og heila plánetuna.
Í rúma tvo áratugi hef ég starfað að sjálfbærni á ólíkum vettvangi og kynnst fjölmörgu fólki sem leggur krafta sína í að skapa betri framtíð fyrir okkur öll. Mér hefur fundist áhugavert að fylgjast með þróuninni, en jafnframt séð hvernig sjálfbærnistarfið getur orðið óþarflega þungt fyrir fólkið sem ber það áfram.
Sú reynsla hefur kennt mér að stefnur og mælikvarðar duga ekki einir og sér. Sjálfbærni þarf líka að eiga rætur í heilindum og í því hvernig við komum fram hvert við annað, hvernig við störfum og tökum ákvarðanir. Ekki síður hvernig við umgöngumst náttúruna, sem er hluti af okkur sjálfum.
Þess vegna skiptir máli að rækta tengslin við það sem skiptir okkur raunverulega máli.
Tengslin við okkur sjálf. Við hvert annað. Og við jörðina.
Með sönn tengsl skapast betri jarðvegur fyrir vellíðan, seiglu og ákvarðanir sem við getum staðið með til lengri tíma.
Velkomin í heim Sólu
Hér finnur þú sögur, ljóð og bækur sem eiga rætur sínar að rekja til íslenskrar náttúru og eru skrifaðar til að næra undrun, hlýju og tengsl okkar við jörðina.
Bækurnar eru fyrir unga lesendur jafnt sem þá fullorðnu sem lesa með þeim. Þær bjóða okkur að hægja á, staldra við og gefa gaum að fegurðinni og lífinu sem er allt í kringum okkur.
Ljóðin urðu til einmitt þess vegna. Þau kalla á hægari lestur, kyrrð og nærveru. Og kannski er það einmitt þar, í kyrrðinni, sem við finnum aftur tengslin við náttúruna, og orkuna sem streymir í gegnum hana og okkur öll.
Skrifin eru mín leið til að deila þeirri vegferð.
Ég vona að sögurnar finni leið til þín og mæti þér þar sem þú ert.
Ferðalag Sólu og heilun jarðar
Ferðalagið með Sólu opnar heim þar sem náttúran, góðvildin og tengslin við jörðina vísa veginn.
Ljóðabókin er á bæði íslensku og ensku og er ætluð börnum og þeim sem lesa með þeim.
Sóla er forvitin stelpa sem elskar skóginn nálægt heimili sínu. Hún tekur eftir dýrum, hlustar á hljóðin í kringum sig og uppgötvar smám saman að náttúran getur veitt hlýju og öryggi, rétt eins og góður vinur.
Útgáfuár: 2026
Blaðsíðufjöldi: 32
Útgefandi: BGlobal
Bókahönnun: Bryony Simmonds, Heartstone House.
Lærum að hlusta
Tengjum okkur við náttúruna sem býður upp á endalausa möguleika til heilunar. Útfrá þeim stað náum við að lifa með góðum ásetningu og sannri sjálfbærni.
Kraftar sögusagnar
Það er svo magnað þegar sögur geta tekið okkur á flug til að hlúa að Móður Jörð.
Hægagangur í átt að vellíðan
Falleg leið okkar allra í átt að heildinni, fyrir okkur öll sem og plánetuna.
Um bókina mína
Bókaflokkurinn um Sólu á rætur í áralangri vinnu minni að sjálfbærni og þeirri trú að raunverulegar breytingar hefjist oft smátt, með því að taka eftir, sýna umhyggju og finna tengslin við það sem er í kringum okkur.
Sögurnar sækja innblástur í fimm grunnþætti sjálfbærrar þróunar: jörðina, mannkynið, frið, hagsæld og samstarf. Fyrsta bókin tilheyrir jörðinni og þaðan heldur ferðalag Sólu áfram.
Í gegnum ljóð, vináttu og litlar uppgötvanir í náttúrunni kynnist Sóla heiminum með forvitni og opnu hjarta. Sögurnar minna okkur á að staldra við, taka eftir fegurðinni í kringum okkur og hlúa að tengslunum við jörðina og hvert annað.
Bækurnar skrifa ég fyrir börn og fólkið sem les með þeim, til að njóta saman, hægja aðeins á og eiga notalega stund.
Markmiðið var að skapa hlýja veröld í gegnum barnabók með ljóðum til að lesa saman í kósíheitum með foreldrum eða ömmu og afa.
Njótið vel!
Skrá mig á póstlista
Skráðu þig hér til að fá nýjar greinar, upplýsingar um nýjar bækur eða tilboð í markþjálfun.
Greinar
Bókin mín um Sólu og jörðina
Bókin mín um Sólu og jörðina
Bókin mín um Sólu og jörðina
„Þetta er bók sem ég vil að barnið mitt alist upp með.“ Ég hefði gjarnan vilja hafa fleiri bækur um umhverfismál fyrir drenginga mína þrjá til að lesa með þeim...
Hugmyndir sem tilheyra hverjum?
Hugmyndir sem tilheyra hverjum?
Hugmyndir sem tilheyra hverjum?
Um daginn fékk ég heimsenda bók. En þegar ég byrjað að lesa hana gapti ég eiginlega yfir innihaldinu. Málið var þetta: ég komst að því að ég hafði forpantað þessa tilteknu bók,...
Að dreyma nýjan heim
Að dreyma nýjan heim
Að dreyma nýjan heim
Við stöndum frammi fyrir áskorunum í heimsmálum og þróun á sjálfbærnivegferð okkar allra. Annars vegar er heimur skýrslna og reglugerða, þar sem reynt er að stýra sjálfbærni með mælikvörðum. Hins...